پرواز

آج پھرایک اچھنبا ہے

آج کی صبح پھر ایک حیرت ہے

آج کی صبح پھر ایک حسرت ہے

کاش کل کا تکلیفدہ منظر آج اوجھل ہوسکتا

کل ایک حقیقت تھا

آج کی یہ حقیقت ہے

جو بیت گیا وو بھی سچ تھا

جو بیت رہا ہے وو بھی سچ ہے

ایک پرندہ اپنی حدوں سے جب گزرا

آزادی کا مطلب بدل گیا

اپنے جھنڈ سے جب چھوٹا

اسکو صیاد نے کتنا لوٹا

اب نہ پر تھے نہ پرواز

سارے احساس چیخ اٹھے بے آواز

ہاے کاش میرے گمان سارے ہوتے جھوٹے

میرا چمن ،چمن والے سب چھوٹے

 اب کیا ہوسکتا تھا

جب چڑیاں چگ گئیں کھیت

اب پچھتاوا ہی  بن سکتا ہے اسکا واحد میت

ایک اور صبح پھرآییگی 

تجھے تجھ سے ملوایگی

اب بھی وقت ہے جان لے تو

اپنے اپنوں کی الفت پہچان لے تو

پھر دیکھ تو شبنم سا دھل جاےگا

پھر ایک موقع روشن ہونے کا پایگا

حق زندگی کا

آؤ بتاؤں میں اپنی صبحوں کی کہانی

مجھ کو سنو ان صبحوں کی زبانی

اکثر شب بھر یہی سوچ رہا کرتی تھی

کیا ہوگا گر یہ میری آخری شب ہو

پھر جاگنا جانے کب ہو

کیا کل میری صبح آییگی

پھر حق زندگی کا سمجھا یگی

میرے ہونے کا سبب بتلاےگی
کل جو روک لگی تھی سوچوں پر
کل کو روک رکھا تھا آنے والے کل پر
کیا وہ سارے کرم کروایگی
کیا کوئی صبح ایسی بھی آییگی  

آج کا سبق

اے میری پیاری صبح

میں تیری شکرگزار ہوں

کے مجھے تجھ سے آج وو لمحہ ملا

جہاں مجھ پر ایک اور راز کھلا

ایک درد شبنم تھا

ایک غم بنا انگارہ

کب سے خود پر رویا کرتا تھا بےچارہ

یہ لوگ آخر اپنوں سے چاہتے ہیں کیا

ہر ذات خود میں ڈوبی ہے

ہر بات غرض ہے یہی انکی خوبی ہے

اپنے سوا سب کو دیوانہ یہ سمجھے ہیں

دیوانوں کو خبر ہے اس عیاری کی

شاطر دل  کہاں اوروں کی پروا کرتے ہیں

یہ دیکھ دل بے-آواز رویا تھا جب جب

ایک لمحہ اس سے بول اٹھا

خدا نے ہر شے بنائی انسان کی خاطر

پھر تو یہ کیوں نہیں سمجھا اے انسان

تجھ کو بھی بنایا انسان کے ہی لئے

ہر شے ضرورت کی حامل ہے

اور تو بھی ضرورت میں شامل ہے 

اختیار

یہ  جو صبحیں اکثر مسس ہوجایا کرتی ہیں

اب ایسا بھی نہیں کے صبحیں یہ آئ نہ ہوں زندگی میں

آییں بھی اور ہم انسے ملے بھی

پر ہم انسے آپکو ملا نہ سکے

کے یہ صبحیں اپنی آپکی اسلئے نہ ہوسکیں

کے ہم ان صبحوں سے کھل کے نہ مل سکے

اپنی عدم فرصتی کی وجہ سے

سو اسکی کثر آج پوری کرنے کا ارادہ لے کر حاضر ہیں

آج یہ صبح دیکھئے ہم سے کیا کہتی ہے

اپنی پریشانیوں کو بھول جا

ذرا ہماری خوشدلی سے نظر ملا

پھر اپنے غم سارے بھول جا

ویسے بھی غم کاہے کا ہے

اختیار خود پر تو ہے الحمدلللہ

پھر حکومت بھی اپنی،اختیار بھی اپنا

حکومت نفس پر،اختیار  خود پر

اب دیکھنا ذرا، سکون کی سب سے بہتر یہی دوا

تو زمانے کی بےرخی بھول جا

اور اپنی نیت کو آزما

حقیقتوں کے قریب جا

اور پالے راز زندگی کا



صبح صادق

اے صبح تجھے سلام

تجھ سے کلام کرنے والی ہر شے پر آ  لکھ  دوں اپنا نام

کے یہ مجھ سے کتنے بہتر ہیں

کے یہ ہر بےخبر کو خبر دیتے ہیں

جاگو دیوانو سویرا نہیں یہ نوید ہے زندگی کی

یہ بانگ صبح کی  بندگی کی

یہ آج کا پہلا کرم ہے

اگر اب بھی نہ جاگے

ستم در ستم ہے

کوئی درد گر تم کو سونے نہ دے

مضمحل کوئی غم گر اٹھنے نہ دے

سوچو ذرا کی تھی کیا خطا

اے صبح اب تو ہی بتا

فراموش تجھ کو کیا کس نے سدا

کون دنیا میں بس الجھا رہا

یہ الجھن ہے بس اسی کی سزا

آ خود کو کر سپردے  خدا

صبح  صادق کر شکر رب کا  ادا



گیا وقت پھر ہاتھ آتا نہیں

آؤ آج پھر تمھاری صبح ہم بنا دیں

کل کے سروں سے آج کے سر ملا دیں

وہ  ادھورا نغمہ ابھی تک راہ تک رہا ہے

چلو آج تمھارے بول اسکو سکھا دیں

کے گیا وقت پھر ہاتھ آتا نہیں
جو ساتھ ہوگیا پھر کبھی جاتا نہیں
یہ راہیں تک رہی ہیں کب سے تجھے
اے مسافر ذرا غور کر پڑھ لے مجھے
مجھے نہ موڈ، نہ منزل چاہئے
مجھے بس مسافر تیری لگن چاہئے
تیرے شوق کی ہی کہانی ہوں میں
تو بادل ہے اور پانی ہوں میں
تیرے چاپ سے ہے مقدرمیرا
تیرے سفر کی جوانی ہوں میں



یہ رنگ

میری صبح کو حسن دینے والے

اس بیرنگ خاکے میں رنگ بھرنے والے

زندگی کا مطلب مجھے سمجھانے والے

میں کیسے یقین کرلوں
   یہ رنگ ہیں بس اترنے والے 

امید کی شمع  پگھل رہی ہے
یقین کے افق پر دھول وڈ   رہی ہے
کہیں یہ شفق رنگ مل رہی ہے
پھر زندگی ہم سے مِل رہی ہے
یہ حسین صبح ہم میں گھل رہی ہے

یہی وقت ہے

آج یہ صبح ایک نئی  برسات  کے سنگ آئ ہے

یہ خوبصورت دھلا دھلا سا موسم جیسے سارا میل دلوں کا بہا لے گیا ہو

کل کی کسوٹی سے ایک  سیکھ  نئی لے کر نکلا ہے یہ  آج کا اجالا

ہر آنے والے پل سے انجان یہ لمحہ نوید نو ہے اس صبح کامل کی طرح

تقدیر لکھنے والے کا ایک اشارہ ہے یہ

کے یہی وقت ہے ،اسے ضایع نہ ہونے دو

اس قیمتی وقت کو اپنی تقدیر بنا لو

کاتب کے قلم سے نکلا ہوا لمحہ ہے یہ

اسے اپنے کرم کی داستان کر ڈالو

اپنے ضبط کا امتحاں دے ڈالو

اپنے خلوص کے گل کھلا دو

اپنے الفت کے مہک ہواوون میں بکھیرو

اپنے دلوں کو اور کشادگی بخشو

تاکے وہ  کسی یاسیت میں ڈوبے ہوے لمحے کے لئے کم نہ پڑ جائے

خداوند کی خوشنودی اسکی محبّت کی تبلیغ میں ہے

اور اسکی محبّت سب کے لئے یکساں ہے

بلکل اس صبح کی عنایتوں کی طرح

جو بےدریغ سب کے لئے یکساں نعمتین  لٹاتی  ہے

یہ زندگی ہر ایک کے حصّے آتی ہے

یہ شبنمی صبح

یہ شبنمی صبح مخملی چادر اوڑھے

کسی شرمیلی دلہن کی طرح  

اپنے پورے سنگھار  سے آراستہ پیراستہ

   دل کو لبھاتی`

`سارے ناز لٹاتی

خراماں خراماں چلی آرہی ہے

کون ہے جو  پہلی کرن بننا چاہتا ہے

اپنی زندگی کو منور کرنا چاہتا ہے

ان تابانیوں  سے خوشیاں کشید کرنا چاہتا ہے

وہ  دیکھو چلی آرہی ہے صبح

اپنی  باہیں   پسارے تمھارے خیرمقدم کے لئے تیار

تمہیں اپنی تابانیاں بخشنے کو بیقرار

کے آؤ خود کو روشن کرلو

مجھ کو اپنی زندگی میں  بھر لو

میں  ہر روز تم سے ہی ملنے آتی ہوں

تمہارا زندگی کے ہر پہلو سے ناتا جوڈ جاتی ہوں

کارواں وقت کا

`

یہ چپ چپ سی خاموش صبح یہ کہتی ہے

ہر صبح میں کوئی کہانی رہتی ہے

ہر کہانی اس صبح سے یہی کہتی ہے

وقت کا پہیہ گر نہ چلتا

وقت اگر انسان  کو  نہ ملتا

انسان اس صبح سے کیسے ملتا

کارواں وقت کا کیسے چلتا

اندھیروں سے کوئی کیسے نکلتا

ایک کہانی ہے ادھوری شب کی

ایک کہانی پوری ہے صبح کی

بندے کردار نبھالے اپنا

یہ حقیقی ہے سپنا

ارادہ

  میرے دوستو ایک اور نئی صبح مبارک ہو

آئے آج اپنے آپ سے ایک وعدہ کریں

آنے والے کل کے لئے بہتر ارادہ کریں

اپنی صبح سے  چند خوشگوار لمحے کسی اور کے بھی نام کریں

کیا پتہ کسی اداسی کو مسکراہٹ مل جائے

کہیں کسی ویرانےمیں  کوئی کلی کھل جائے

کسی کو بخشا ہوا مسکراہٹ کا تحفہ خدا کو بیحد پسند ہے

اور اپنے آپ سے نظر ہٹا کر کسی اور کی طرف نظر کرنا عنایت ہے

گر یہ ادا مقبول ہوگی تو سمجھو تمھاری دعا  قبول ہوگی

موسم ہیں یہ

یہ سرد صبح کہ رہی ہے

میں جاگ اٹھی ہوں اور دنیا سورہی ہے

موسم ہیں یہ آیینگے جاینگے

ہر موسم میں ہم اپنا عہد نبھاینگے

سنو خود کو کبھی غور سے

نہ گھبراؤ اس خاموش شور سے

یہ وہی ورد ہے عاشقانہ

ناممکن ہے تیرا اسے بھول جانا

وہ  جانتا ہے بندوں کی ادایں

وہ دے رہا ہے دھڑکنوں سے صدایں
تیری سماعتوں کو دعوت ملی ہے
تجھے بندگی کی عادت ملی ہے
وقت صبح ہے خدا بندے کی گفتگو کا
یہی وقت ہے حاصل ے جستجو کا  

یہ روشن فضایں

یہ صبح کے حسین دھندلکے

یہ روشن فضایں

یہ ٹھنڈی ٹھنڈی پھروائی

یہ چہچہاتے پرندے

یہ دنیا کی ہلچل

ہر طرف ایک نرم نرم شور

کہ رہا ہے ابھی زندگی ہے

ابھی قایم بندگی ہے

ابھی احساس تازہ ہیں

ارادے ابھی جوان ہیں

امید کا جہاں ہے

ہر سو وہی نہاں ہے

ہر پل ابتدا ہے

ہر پل انتہا ہے

سویرے سویرے ہر ایک کی ایک کہانی شروع ہوتی ہے

زندگی کی مانگ سے زیادہ آدمی کی مانگیں بڑھتی جاتی ہیں

حال ماضی مستقبل ساری جنگیں ایکساتھ کیسے جیتی جایینگی
کہیں تو ٹھہرنا ہوگا
یہ سمجھنا ہوگا
آخر یہ  دوڑ کس کی ہے

کس کے لئے ہے
آخر کیوں..آخر کیوں...آخر کیوں...
یہ سوال شاید اپنی جانب اس دوڑ کو متوجہ کرلے

ذرا روک جا ہے زندگی
ایک موقع انہیں بھی ملے
اپنے سوالوں کے جواب پانے کا
 اپنے باطن سے  مل جانے کا
کیا پتا کوئی دل اپنا سراغ پالے
خود کو نہ کرے خواہشوں کے حوالے
 

تیری حقیقت

 

یہ سہانی چمکیلی صبح اپنا تمامتر حسن

 تجھ میں  ہی منتقل کرنے آئ ہے

اسکے  عوض میں اسے کچھ نہیں چاہیے

بلکے  تیری حقیقت  کا سبب

اسی کی نمود سے ہے

تو بےسایا رہ جاتا گر دھوپ نہ ملتی

تو سانس نہیں لے پاتا گر ہوا نہ چلتی

تو بھوکا مر جاتا گر بارش نہ ہوتی

تو  بےعلم رہ جاتا گر روشنی نہ ملتی

رات کا پردہ  گر نہ  گرتا

گر صبح کا جلوہ تجھ کو نہ ملتا

پھر  نظام ہستی  کیسے چلتا

کائنات کی سب سے حسین شے ہے تیری ہستی
اور تیری ارتقا کا سبب ہے اسکی کریمی
اور اسکی کریمی دلوں کا جھکنا
دلوں کی تسخیری بے محبّت نہ ہوگی
محبّت ہوگی تو کامل کریگی
کمال ہستی احساس حق کا
جمال ہستی نور-ے- خدا ہے
  

ایک اور دن

ایک اور دن کی  شروعات

ایک نے احساس کی آمد

ایک نئی سوچ کی ابتدا

اک  نئی   راہ 

ایک نیا موڈ

ایک نیا جوش

ایک نیا حوصلہ

اس ایک صبح کی آمد سے

ہر شے پے جوانی آتی ہے

کل جو سوے ہوے تھے

سارے کل پرزے جگاتی ہے

پھر سے ایک  دوڑ شروع  ہوجاتی ہے

ٹھرے ہوے سارے پل

پل بھر میں انگڑائی لینے لگتے ہیں

یہ صبح اپنی توانائی سے

 زندگی  بدل کر جاتی ہے

  

ایک التجا ہے میری

میں  اپنی راتوں کو تیری صبح کردونگی

میں  اپنی آنکھوں میں  تیرے اجالے بھرلونگی

میں تیری خاموشی کو گوارہ کرلونگی  

میں اپنی  ہرشکایت سے کنارہ کرلونگی

بس ایک التجا ہے میری

ہر پل رہوں ہمنشیں تیری

آٹھوں پہر رہوں تیرے پہرے میں

تیری صورت نظر آے میرے چہرے میں

میری  خواہش پر گر تو مسکرا دیگا

میرے سنگ سارا عالم مسکرا  دیگا 

ایک خیال

 

  ایک  خیال لے کر ملی ہے آج کی صبح  

پھر کوئی سوال لے کر ملی ہے آج کی صبح

یہ لوگوں کو نیند سے جگاتی ہے

یہ لوگوں کو روشنی سے ملاتی ہے

یہ لوگوں کو زندگی کا مطلب سمجھاتی ہے

نیند کیا ہے

ایک خاموشی احسا سات سے عا ری

اور خاموشی موت سے مشابہ

اور یہ شہادت ہے کے ہر صبح 

ہمیں نئی زندگی ملتی ہے

اور صبح کا سجدہ اسی کا شکریہ ادا کرتا ہے

یہ موسم

یہ نئی صبح پھر کوئی پیغام نیا لائی ہے

ہمارے انسان ہونے کا مطلب سمجھانے آئ ہے

یہ موسم دیکھ کیا کہتے ہیں

تبدیلی عمل رہے بہبودی کا
تبدیلی سب کی فلاح کی خاطر آے
تبدیلی انسان کو یہی سمجھاے
ہر موسم کا حاصل بہتر ہے
یہ موسم انسان کا بہتر کل ہے
گر یہ موسم نہ ہوتے
ہم پے بہاریں کیسے آتیں
ہم خزاں  کا مطلب سمجھ نہ پاتے
ہم سردی سے گھبرا کر مر جاتے
ہم    پتجھڑسے لڑ جاتے

گرما میں کیسے گرماتے
غرض موسم انسان کا درس اول ہیں
آؤ ہم موسموں میں  گھل جایں
موسموں کی طرح سب کو ہم مل جایں

روشن صبح

آ میری روشن صبح  تجھ سے ایک پیام لوں

آ اے میری پیاری صبح تجھ کو ایک پیام دوں

کوئی روز پھولوں سا

کوئی روز گلشن سا

کوئی روز شبنم  سا

کوئی روز بارش سا

تجھ سے کچھ نہ کچھ پاے

تجھ سے مل کرہر کوئی روز دھل جائے

تیری صبح کو مزید روشن کر جائے

  

دوست کی صدا

آ چل  پیاری صبح  میری

تجھے میری خلوت میں لے چلوں

تیرے سنگ سنگ آج مجھ سے ملوں

میں جان لوں میری صبح  

گزرتی ہے کس حال میں

میری نظر گر دیکھنا چاہے تجھے

اس سے پیشتر دیکھ  لے مجھے

دیکھ میں  گم ہوں ابھی تک

کل کے بھیانک خواب میں

میں نے  دیکھا نہیں  

تو نے کیا لکھا ہے آج کے  باب میں

چھیڑ جائے حسسوں کو

 بھیج دے ایسی ہوا

یا سنا دے پھر مجھے

میرے اسی دوست کی صدا

جسکی ایک نظر

بن جاتی ہے دعا

ایک نئی کرن

آج کا سورج پھر دیکھو

 ایک نئی کرن لایا ہے

ایک مایوس ذہن میں پھر سے

 ایک نیا سودا سمایا ہے

کوئی کام ادھورا ہے اب تک

ایک بات پوری ہونی ہے ابھی

اس روشن روشن سورج کی

ہر کرن ایک امید نئی

اسی کے سنگ جاگے ہیں

 سوے دل میں ارمان کئی

   داتا کے تانے بانوں میں 

 الجھا الجھا  یہ دل دیوانہ 

اگلے لمحے سے کب واقف ہے

ایک ڈوبتی نبض سے پھوٹا نغمہ

ایک نئی خوشی  کی آمد نے

پھر ایک نئی توانائی بخشی

ابھی کھیل ختم نہیں ہوا

ابھی پردہ نہیں گرا

تیرے عمل کے میدان کا

دائرہ  یہ کہتا ہے

میں  ہر روز بڑھتا جاؤنگا

تیری کسوٹی بن کر آؤنگا

تیری اس نیم جان ہستی کو

ایک نیا رنگ  دے جاؤنگا

تیرے رنگ  میں رنگ جاینگے

جو گل تیرے حصّے میں آینگے 



یہ خاموش صبح

                                                                         

                                                                                           

یہ خاموش صبح یہ کہتی ہے

تعبیر ہوں میں ایک شب کی

گر کل تیرا رہا ہو نیک عمل

میں آج تیری خوشی ہوں کہتی ہے

میں روز ایک سوچ نئی ہوں تیرے لئے

میں روز ایک امید نئی ہوں تیرے لئے

لے تھام لے مجھ کو مضبوطی سے

ایک نئی منزل کی کڑی  ہوں تیرے لئے

گر تو کل سے کنارہ کرلیگا

  گر آج مجھ سےتو  منھ  موڈیگا

تیرے  ہاتھ کچھ نہ آیگا

خالی ہاتھ جہاں میں آیا تھا

خالی ہاتھ جہاں سے جاےگا

یہ وقت بڑا ہی دانا ہے

اور انسان تو ناداں ہے

تیرے شرف کو پہچان ذرا

کڑیوں سے کڑیوں کو ملا

تیرا مقصد جان ذرا

اس صبح کو تو اپنا بنا

پھر دیکھ سب کچھ ہے تیرا

 

یہ شبنمی صبحیں ،

                                  

یہ شبنمی  صبحیں، یہ سرد ہوا کے جھونکے

کون نہ کھو جائے  ان میں دیوانہ ہوکے

 صبح کی پہلی چہک اسی کی ہوتی ہے

جسکی محبّت خالق سے شدید ہوتی ہے

                   جو صرف اس کی یاد میں رین بسیرا کرتا ہے

جو صرف اسی کی خاطر جیتا مرتا ہے

 محبّت کی صرف ایک قسم  ہی ہوتی ہے

چاہنے والے کی بس ایک قسم ہی ہوتی ہے

یہ وجود تیرے دم سے ہے

یہ دنیا تیرے کرم سے ہے

یہ دھڑکن ہے تیری حمد

یہ سانسیں تیرا کلمہ ہیں

یہ جسم تیرا مقصد ہے

یہ روح تیرا آئینہ

اس دنیا کی ہر شی آنی جانی ہے

یہ جسم اسکا ہر عنصر فانی ہے

گر یہ تیرا ہوجاے تو نشانی ہے

ورنہ یہ بیکار سا ضایع پانی ہے 

یہ نورانی فجر

یہ سفید نورانی  فجر بندے کی دعا کی قبولیت ہے

آج کی اس صبح سے ایک کرن مجھ کو مل جائے

 یا الله مجھے کچھ اور مہلّت مل  جائے

کل کی ہر غفلت کو خواب کردے

میں  پھر سے خود کو روشن کرلوں

میری سانسوں میں تجھ کو بھرلوں

الله الله تیری محبّت میری دھڑکن ہو

تیرے کرم سے ہرا میرا گلشن ہو

آه ! یہ صبح

آه! یہ  صبح ایک سوال بن کر آئ  ہے

ایک اہم نکتے کی طرف اسنے انگلی اٹھائی ہے

بے زبانی نے سننا سکھایا تھا

اب  زبان ملی ہے تو کہنے پے آئ ہے

وہ  پاس ادب کا کہاں گیا

وہ لحاظ دلوں کا کیا ہوا

اب  یہ سنگ کہاں سے لائی ہے

نہیں نہیں نہ ہوش میں آ اے دیوانے

یہ دنیا تیرے لئے پرائ ہے

خوش آمدید

یہ نئی  صبح آج پھر

ایک نیا موسم لائی ہے

کل کے ہر پژمردہ احساس کا

جواب بن کر آئ ہے

اٹھو خوش آمدید کہو اسے

یہ بس تمھارے واسطے آئ ہے

ہر شے یہ کہتی ہوئی ملی

قدرت نے بشر کے لئے رچائی ہے

رنگ برنگی  یہ کائنات

تمھارے واسطے ہی سجائی ہے

یہ عنایتیں  یہ نعمتیں

ہر ایک کو یکساں ہیں ملیں

یہی انسان کا اصل درس ہے دوستو

کبھی کسی میں تم تفریق نہ کرو

ابتدا

خوشیاں دم بھر کی مہمان ہوتی ہیں

جب تک غم کی پہچان نہیں ہوتی

درد سے رشتہ جب  جڑ  جائے

تب خوشیوں کا مطلب ملتا ہے

آسودگی  بے حس اگر بنادیگی

خوشیاں بھی اوجھل ہوجاینگی

یہ  بے چینی  یہی کہتی ہے

خوشی احساس کی زمین ہے

وہ  احساس جو سکوں کی سطح پر

کھلتا ہے کنول کی طرح

جب تو  بنتا ہے درد کی دوا

وہی پل ہے  تیری خوشی کی ابتدا

قدرت کے کھیل

قدرت کے کھیل انوکھے ہیں

جب انسان اپنی فطرت سے بغاوت کرنے لگتا ہے

تب اسکی فطرت خود اسکے  روبرو ہوجاتی ہے

اور اسکی فطرت اس بغاوت کی زد سے نکل آتی ہے

کے یہ تو تیری فطرت نہیں

اپنی اصل سے ملاقات ہمیشہ سود مند ہوتی ہے

ظاہر کی گردش سے باطن کو کوئی گزند نہیں پہنچ سکتی

کے باطن میں بسیرا اسکا ہے

باطن پر پہرا اسکا ہے

فطرت کا  وطیرہ اسکا ہے